Оралда нөсер жауыннан кейін жер опырылды
Коммуналдық қызметтер қаланың сауда орталықтарының бірінің жанында нөсерден кейін пайда болған асфальттағы апатты жоюға кірісті.
Қазір темірбетон құбырына жету үшін он метрлік шұңқыр кеңейтілуде. «Батыс Су Арнасы» ЖШС жердің опырылуы 3-4 маусымға қараған түні нөсер жаңбырдың нәтижесінде пайда болғанын хабарлады.
«Гагарин көшесінде коллектор опырылды. Ол кеңес заманында салынған. Апатты жою жұмыстарын жүргізіп жатырмыз», – деді» Батыс Су Арнасы » ЖШС директоры Қайырғали Имашев.
Қазір апат орны қоршалған, бірнеше арнайы техника жұмыс істеуде.
«Өте қауіпті. Құлаған кезде жанында адамдардың болмағаны жақсы болды. Барлығы ретке келтіреді деп үміттенемін», – деді сауда орталығына келушілердің бірі Андрей Воронков.
Қала әкімдігінің хабарлауынша, нөсерден кейін бірнеше жерде асфальт пен топырақ төгілген.
«Абай және Шолохов көшелеріндегі кәріз коллекторының жанында топырақ шөгіп кетті. Учаскелерді ағымдағы жөндеу бағдарламасы бойынша жөндейміз»,-деді Орал қаласының тұрғын үй-коммуналдық шаруашылығы, жолаушылар көлігі және автомобиль жолдары бөлімі басшысының орынбасары Ербол Арыстанғалиев.
Айта кетейік, 12 сағат ішінде Оралда бір жарым айлық жауын-шашын жауды. 9 мыңнан астам абонент жарықсыз қалды. Жаңбыр суы көп қабатты үйлердің жертөлелерін су басты. Әкімдік зардап шеккендерге өтемақы төлеуге уәде берді.
