Оралда сынапқа байланысты төтенше жағдай жариялануы мүмкін

Оралда техногендік сипаттағы төтенше жағдай жариялау жоспарлануда. Бұл туралы ақпарат «Ашық нормативтік-құқықтық актілер» порталында пайда болды.

Құжатта «күшті әсер ететін улы заттың табылуына байланысты»қалада жергілікті ауқымдағы техногендік сипаттағы төтенше жағдайды жариялау ұсынылады.

Төтенше жағдайды жою басшысы болып Орал әкімінің орынбасары Мирас Мұлкай тағайындалды. Жобаны жария талқылау 2021 жылғы 24 маусымға дейін жалғасады.

Орал әкімдігінде қалалық зират аумағынан белгісіз зат, сынабы бар контейнер табылғанын мәлімдеді. Техногендік ауқымдағы төтенше жағдайды жариялау туралы мәселе әлі де шешілуде.

24 маусымға дейін Орал әкімі шешім қабылдауы тиіс.

«Табылған заттың көлемі 300-400 миллилитр болды. Салмағы бір килограмға жуық. Адамдардың улануы мен өлімінің алдын алу үшін жергілікті ауқымдағы ТЖ режимін жариялау туралы шешім қабылданды. Халыққа қауіп жоқ. Зат экология департаментінің зертханасында орналасқан», – деді Орал ТЖ басқармасының бастығы Амангелді Ешмұханов.

Орал қаласының ТЖ бөлімінің басшысы Әділбек Қадыров атап өткендей, ТЖ режимін жариялау туралы шешім – бұл стандартты рәсім.

«Улы затты тасымалдауға және оны кәдеге жаратуға қаражат қажет. Қазір контейнер экология департаментінің зертханасында», – деді ол.