БҚО-да жыл басынан бері жол апатынан 43 адам қаза тапты
Облыс аумағында қаңтар — мамыр аралығында 99 ЖКО тіркелген, онда 43 адам қаза тауып, 157 адам түрлі дәрежедегі жарақат алған, – деп хабарлады «ОА» полиция департаментінен.
Жасалған ЖКО-ның жартысы Оралда орын алды, онда бес адам қаза тауып, 77 адам түрлі дәрежедегі жарақат алды.
Полиция жүргізген талдауға сәйкес, көп жағдайда жол – көлік оқиғаларының себебі маневр жасау ережелерін бұзу болып табылады-26 жол-көлік оқиғасы тіркелген.
Келесі себеп – қозғалыс жылдамдығын сақтамау-16 ЖКО.
Үшінші орында — жол қиылыстарынан өту ережелерін бұзу-15.
Ағымдағы жылдың қаңтар – мамыр айларында 845 жүргізуші көлік құралдарын басқару құқығынан айырылды.
Соңғы үш жылдың ішінде облыс аумағында жол апатынан 361 адам қаза тауып, 1451 адам түрлі дәрежедегі жарақат алды.
