Бір миллиард теңгеге «Орал — Атырау» автомобиль жолын қайта жаңарту жобасы жүзеге асырылады

Қазіргі уақытта «Орал — Атырау» автомобиль жолының 75-125 км учаскесін реконструкциялау үшін жобалаушыларды анықтау бойынша конкурстар аяқталды», — деп хабарлады»ҚазАвтоЖол» АҚ филиалы директорының орынбасары Шынар ЕРТАЕВА.

ЖСҚ әзірлеумен «Кустанайдорпроект «жобалау институты» ЖШС, «Казахский Промтранспроект» ЖШС және «Каздорпроект»ЖШС айналысатын болады.

ЖСҚ әзірленгеннен кейін трассаның 50 шақырымында құрылыс-монтаждау жұмыстары басталады. ЖСҚ (жобалау-сметалық құжаттама) әзірлеу мерзімі 26 айға дейін жоспарланған.

ЖСҚ әзірлеу құны (барлық 8 лот бойынша 303 км және Орал қаласының оңтүстік-батыс айналма жолы бойынша) 1 млрд.теңгені құрайды.

«Оралдан Чапай елді мекеніне дейін 1-ші санаттағы жол (4 жолақты, бөлу жолағы бар, 15 м. жүріс бөлігі бар) болады, ал Чапайдан Атырау облысының шекарасына дейінгі жолдың санаты жобалау жұмыстары кезінде айқындалатын болады» – деп атап өтті Шынар Ертаева

Орал-Атырау жолының жалпы ұзындығы 508 км. оның 302-сі БҚО аумағында орналасқан.

Соңғы рет жол 15 жыл бұрын қалпына келтірілді.

«Атырау-Орал» трассасын қайта жаңарту 2020-2025 жылдарға арналған «Нұрлы жол» мемлекеттік бағдарламасында қарастырылған.

Илья КРАВЧЕНКО