Орал мәйітханасында үй кинотеатры мен фитнес-зал не үшін қажет?

Бұл туралы, БҚО құрылыс басқармасы Orda.kz тілшісіне түсініктеме берді.

БҚО құрылыс басқармасы жаңа мәйітхананы салуға тендер жариялады, онда фитнес-зал, үй кинотеатры, дивандар, музыкалық орталық, кофе-машина және басқа да техникамен жабдықтау жоспарлануда.

Әлеуметтік медиа қолданушылары мәйітханаға кинотеатр орнату қажеттілігіне таң қалды.

БҚО құрылыс басқармасы басшысының орынбасары Нүркен Молдашев емдеу-алдын алу мекемелерінің құрылысы саласындағы мемлекеттік нормативтер бойынша мемлекеттік тіл және психоэмоционалдық жеңілдету мұғалімдерінің кабинеттерін, сондай-ақ фитнес-залды жабтықтауды қарастырып жатқанын түсіндірді.

-Бұл үй — жайлар мәйіттермен 8 сағаттық жұмыс істегеннен кейін патологиялық-анатомиялық бюро қызметкерлерінің психологиялық жеңілдену мүмкіндігіне ие болуы үшін көзделген, – деді Молдашев.

Сондай – ақ, ол «үй кинотеатры» жеке кинотеатр емес екенін түсіндірді.

– Міне, 89 мың теңге сомасындағы смета. Бұл жай ғана кішкентай жабдық – динамиктері бар теледидар. Кино залы жоқ. Ол психоэмоционалды түсіру кабинетінде болады», – дейді директордың орынбасары.

Молдашевтің айтуынша, мұндай жағдайлар мәйітхана қызметкерлерінің жұмысының күрделілігіне байланысты қажет.

– Көрдіңіз бе, адамдар онда сегіз сағат жұмыс істейді, қайтқан адамдардың дене мүшелерін тасиды, сондықтан оларға осындай жағдай жасалады, — дейді спикер.

Жаңа екі қабатты патологоанатомиялық бюро психикалық денсаулық орталығының аумағында салынады. Жоба бағасы – 1,2 млрд теңге, құрылыс мерзімі-11 ай.