БҚО-да коронавирус жұқтырғандар саны артты

Батыс Қазақстан облысында соңғы тәулікте коронавирустық инфекцияны жұқтырудың 259 жаңа жағдайы анықталды. Бұл көрсеткіш пандемия кезінде жаңа антирекордқа айналды. Санитарлық дәрігерлер 26 мен 40 жас аралығындағы адамдар жиі ауыратынын атап өтті. Яғни, халықтың жұмысқа қабілетті бөлігі. Бірақ коронавирус аға буын өкілдеріне де ауыр тиюде.

1 шілдеден бастап облыста коронавирус жұқтырудың 2800-ден астам жағдайы тіркелді. Соңғы аптадағы өсім 13 пайызды құрады. Сонымен қатар, санитарлық дәрігерлер қазір жұқпалы дельта штаммы басым екенін айтады. Ол қысқа инкубациялық кезеңге ие және жоғары жұқпалы.

-Соңғы тәулікте КВИ жұқтырудың 259 жаңа жағдайы тіркелді. Соңғы аптада өсім 13 пайызды құрады, – деп атап өтті БҚО бас мемлекеттік санитарлық дәрігері Мұхамғали Арыспаев.

Пандемия басталғалы 458 батысқазақстандық қайтыс болды. Қазір стационар жағдайында 728 адам ем алуда. Реанимациялық төсектердің 60 пайызға жуығы толған.

– Тәуекел тобында 60 жастан асқан адамдар. Олар оңай жұқтырады және жазылып кетуі қиын, – деді БҚО денсаулық сақтау басқармасы басшысының міндетін уақытша атқарушы Арман Қалыбеков.

Айта кетейік, 17 шілдеден бастап өңірде карантин күшейтіледі. Демалыс күндері базарлар мен сауда орталықтары жұмысын тоқтатады, жексенбіде қоғамдық көлік жүрмейді.