БҚО-да 309 жаңа науқас тіркелді
Батыс Қазақстан облысында коронавирусқа қатысты жағдай жақсармай тұр, бүгін 309 жаңа науқас тіркелді. Дәрігерлер жас адамдар мен жүкті әйелдер COVID-19-ды көбірек жұқтыратынын айтты. Қазір стационар жағдайында өңірдің 772 тұрғыны емделуде, оның 53-і реанимация бөлімшелерінде.
Пандемия басталғаннан бері аймақтың 30 мыңға жуық тұрғыны коронавируспен ауырып қалды. Қазіргі уақытта 20 медициналық мекеме жұмыс істейді. Пандемия басталғалы 486 батысқазақстандық қайтыс болды. Бірақ санитарлық дәрігерлер адамдар әлі де карантиндік шектеулерді бұзуда дейді. Қоғамдық көлікте жолаушылар бетпердесіз жүреді, ал мейрамханалар мен кафелер көпшілік шараларды заңсыз өткізеді.
-Соңғы аптада 81 рейд өткізіліп, 572 нысан қамтылды. 15 объектіде карантиндік шараларды сақтамау бойынша бұзушылықтар анықталды. Анықталған бұзушылықтар бойынша 554 мың теңгеге 6 әкімшілік хаттама толтырылды, — деп атап өтті БҚО бас мемлекеттік санитарлық дәрігері Мұхамғали Арыспаев.
Дәрігерлер вакцинация қарқыны біршама төмендеді дейді. Бірінші компонентті 155 мыңнан астам батыс қазақстандықтар алды, екі компонентті 92 мыңға жуық адам егілді. Дәрігерлер аймақ тұрғындарының біреуі КОВИДІ екі рет жұқтырғанын атап өтті.
—Егер бұрын науқастардың негізгі үлесі 65 жастан асқан адамдарға тиесілі болса, қазір жас және жүкті әйелдер арасында аурушаңдық өсуде. Ауруханаға жатқызылған адамдардың барлығы (99 %) вакцинацияланбаған. Вакцинация коронавирустық инфекциядан қорғаудың жалғыз және тиімді әдісі екенін тағы да еске салғым келеді. Вакцинация науқаны басталғаннан бері облысқа вакцинаның екі компонентінің 350 000 дозасы жеткізілді, — деп атап өтті БҚО денсаулық сақтау басқармасы басшысының міндетін атқарушы Арман Қалибеков.
Еске салайық, демалыс күндері облыста кейбір нысандардың жұмыс уақыты шектеледі, ал жексенбіде қоғамдық көлік қызметі тоқтатылады.
