Оралдағы су құбырында кезекті апат орын алды

Бұл жолы апат Солтүстік-Шығыс-2 шағын ауданында болып, салдарынан 266 абонент сусыз қалды.

«Батыс су арнасы» ЖШС хабарлағандай, 26 шілдеде Солтүстік-Шығыс-2 ықшам ауданы, 42 мекен-жайында су апаты орын алды. Қазіргі уақытта коммуналдық қызметтер апаттың салдарын жоюда.

— Шағын аудан мекенжайы бойынша орналасқан абаттандырылған сектордағы тұрғын үйлерге сумен жабдықтауды беру уақытша тоқтатылды.Солтүстік-Шығыс-2, №№42, 41; Циолковский көшесі, №2/1, 2/20. Шамамен 266 абонент сусыз қалады. Жұмыс бір күн ішінде бітуі керек. Өзгерістер туралы қосымша хабарлаймыз. Уақытша қолайсыздықтар үшін кешірім сұраймыз, — деп хабарлады «Батыс су арнасы»ЖШС.

Осы үйлердің тұрғындары үшін Солтүстік-Шығыс-2 шағын ауданындағы №41, 42 үйлердің жанында су тасымалдау ұйымдастырылған.