Оралда жол жүру тарифі өзгеруі мүмкін
Оралда қоғамдық көлікте жүруге сараланған тарифті енгізу мүмкіндігі қарастырылуда. Бұл барлық бағыттар электрондық билеттеу жүйелерімен қамтамасыз етілгеннен кейін орын алуы мүмкін. Маусым айының ортасынан бастап жүйе 22-ші маршрутта жұмыс істейді, қыркүйектен бастап оны басқа қалалық маршруттарда енгізу жоспарлануда.
Айта кетейік, Оралда электронды билеттеу жүйесі үш жыл бұрын енгізіле бастады. Бірақ жоба тоқтатылды. Осы жылдың 17 маусымынан бастап 22 маршрутта электрондық төлем жүйесі енгізілді. Пилоттық режим жобаның өміршең екенін көрсетті.
— Бізге, кондукторларға электронды картаның көмегімен төлем жасау өте ыңғайлы. Ақша қайтарамын деп уақыт жоғалтпайсыз. Адамдар қолма-қол ақшасыз есеп айырысуды жиі қолдана бастады, — дейді кондуктор Аружан.
Сондай-ақ, жолаушылар қоғамдық көлікте электрондық жолақы төлеудің артықшылықтарын көреді.
— Өте ыңғайлы, қолма-қол ақша әрқашан бола бермейді. Қазір барлығы карта бойынша, — деп есептейді қала тұрғыны Алеся Құрбанғалеева.
Жоба операторлары жолаушылар төлемінің 80 пайызын қолма-қол ақшамен төлейтінін атап өтті. Алайда, бұл жағдайда олар электронды билеттерді алады. Транзакциялар саны 343 мыңды құрады. Қазірдің өзінде 1,5 мың көлік картасы сатылды.
— Қыркүйек айында барлық бағыттарда электронды билеттеу енгізілетін болады. Әкімдікпен сараланған тариф енгізу туралы келіссөздер жүргізудеміз. Қолма-қол ақшамен төлеген кезде жол жүру құны 150 теңге, қолма — қол ақшасыз есептеген кезде 80 теңге болуы мүмкін, — деп атап өтті «Smart Qala» ЖШС директоры Бекжан Түкжанов.
Электронды жүйе қоғамдық көлік саласын барынша ашық әрі тиімді етуі тиіс.
ТАҚЫРЫП БОЙЫНША: Оралда билеттеудің электрондық жүйесінің операторы қоғамдық көлікте жүру ақысының тоғыз % алады
Жол жүру үшін Онлайн-төлем. Орал қаласының жолаушылар тасымалдаушылары өз табысының пайызын қорғауда
