Жаңа оқу жылындағы каникул: оқушылар қанша күн демалады

2021-2022 оқу жылы әдеттегідей бірінші қыркүйекте басталады.

Қазақстанда жаңа оқу жылының басталуы мен каникул датасы бекітілді. 2021-2022 оқу жылы әдеттегідей бірінші қыркүйекте басталады

Бұйрыққа білім және ғылым министрі Асхат Аймағамбетов қол қойды.

Құжатта 2021-2022 оқу жылының басталуы, ұзақтығы және каникул кезеңдерінің мерзімдері айқындалды.

2021-2022 оқу жылының басталуы – 2021 жылдың 1 қыркүйегі;

оқу жылының ұзақтығы 1-сыныптарда – 33 оқу аптасы, 2-11 (12)- сыныптарда – 34 оқу аптасы.

Оқу жылы ішіндегі каникул кезеңдері:

1-11 (12) – сыныптарда: күзгі каникул – 7 күн (2021 жылдың 1-7 қарашасы аралығында), қысқы – 11 күн (2021 жылдың 30 желтоқсаны мен 2022 жылдың 9 қаңтары аралығында), көктемгі – 12 күн (2022 жылдың 19-30 наурызы аралығында);

1-сыныптарда: қосымша каникул – 7 күн (2022 жылдың 7-13 ақпаны аралығында).

Бұйрық 2021 жылдың 9 тамызынан күшіне енеді.