БҚО-да орман алқабын кеңейту жоспарлануда

БҚО әкімі Ғали Есқалиев жұмыс сапары аясында Тасқала ауданында болды.

Аудан әкімі Алдияр Халеловтың айтуынша, Орал-Саратов республикалық тас жолының 8 шақырымында тал мен терек сияқты жасыл желектерді отырғызу жоспарланған.

Схемаға сәйкес, орман өсірумен аудандық әкімдік Жәңгір хан атындағы БҚАТУ ғалымдарымен бірлесіп айналысатын болады. Ағаш отырғызу ағымдағы жылдың қазан айында 10-15 га алаңда басталады.

БҚО орман шаруашылығы және жануарлар дүниесі аумақтық инспекциясының басшысы Қайрат Қадешев орман алқабы кейіннен мемлекеттік органның қарамағына берілетінін хабарлады,-деп хабарлады облыс әкімдігінің баспасөз қызметі.

Сондай-ақ, аудан аумағында 6,25 га жер учаскесінде жол кемпингі салынады, ол аудан арқылы өтетін трассадан өтетін тұрғындар мен автокөлік иелерінің демалуына арналған. Сондай-ақ, жасыл желектер аймағы қарастырылған.