БҚО-да екі әйел 100-ге тарта адамды ондаған миллион теңгеге алдап кеткен
Батыс Қазақстан облысының тұрғыны екінші деңгейлі банктерде онлайн-несиелерді заңсыз рәсімдеген. Оның әрекеті нәтижесінде 70 азамат зардап шекті. Шығын 21 млн теңгені құрады. Бұл туралы облыстық прокуратурадан мәлім етті.
Белгілі болғандай, әйел несие алу үшін кепілге бөтен жылжымайтын мүлікті қойған.
«Прокуратураның нұсқауы бойынша күдіктіге қатысты күзетпен ұстау түріндегі бұлтартпау шарасы таңдалды. Іс аяқталуға жақын», – деді БҚО прокуроры Жандос Өмірәлиев.
Қадағалау органының басшысы алаяқтық өңірдегі ең жиі жасалатын қылмыс түрлерінің бірі болып табылатынын хабарлады. Өткен жылы олардың саны 88 пайызға өсті (592-ден 863-ке дейін). Олар алдаудың жаңа схемаларын ойлап табуда.
«Адамдар жылжымайтын мүлікті арзан бағамен алуға көндіріп, алаяқтардың құрбанына айналады. Тағы бір күдікті Батыс Қазақстан және Атырау облыстарының тұрғындарына сенім артты. Әйел оларға Орал, Ақтау және Ақтөбеден пәтер мен жер телімдерін алуға жәрдемдесуге уәде берді. Өз әрекеттерінің заңдылығын көрсету үшін қаскүнем адамдарға жалған кілттерді беріп, оларды жақын арада пәтер алуға көндірді. Ақшаны алғаннан кейін әйел телефондарын өшіріп, жасырынып жүрді. Тергеу барысында 25 млн теңге көлемінде залал келтірген 32 адам жәбірленуші болып танылды», – деді Жандос Өмірәлиев.
Прокуратура өкілдері азаматтардан абай болуды және алаяқтардың айла-амалдарына бой алдырмауды сұрайды.
