Оралда жылу қашан беріледі
Кәсіпорында қала жылу беру кезеңіне 100% дайын деп сендірді.
«Жайықжылуқуат» АҚ Бас директорының орынбасары Бекболат Камешовтың айтуынша, кәсіпорын жыл сайын 1 208 көппәтерлі тұрғын үйге, сондай-ақ мектептерге, балабақшаларға, ауруханаларға, мәдениет және спорт нысандарына жылу береді. Бүгінгі таңда барлық нысандар жылыту маусымына дайын және дайындық паспорттарын алды.
— Жылумен жабдықтауға басшылары өтінім берген объектілер қосылған. Бұл негізінен балабақшалар, мектептер, ауруханалар. Үш күн бойы орташа тәуліктік температура +8 градус және одан төмен болған кезде пәтерлерге жылу беріле бастайды, — деді Бекболат Камешов.
