БҚО жанармай бекеттерінде ресейлік дизель отыны сатыла бастады
Облысқа ресейлік солярканың алғашқы партиясы әкелінді.
Екі апта бойы БҚО-да жанармай құю бекеттерінде дизель отынының тапшылығы байқалды, оны талондар мен карталар бойынша немесе шектеулі мөлшерде жіберді. Сол кезде БҚО энергетика басқармасында Атырау мұнай өңдеу зауыты оны шектеулі мөлшерде босататындықтан, ал дизель отынының негізгі көлемі ауыл шаруашылығы жұмысына және ҚТЖ-ға жіберілетіндіктен, тек содан кейін ғана ЖМҚС-қа жөнелту жүргізілетінін түсіндірді. 29 қыркүйекте ведомство Ресейден дизель отынын жеткізу мәселесі пысықталып жатқанын хабарлады.
Белгілі болғандай, бүгін, төртінші қазан күні облысқа Ресейден солярканың бірінші партиясы әкелінді. Энергетика басқармасы басшысының міндетін атқарушы Қайрат Мұхамбетқалиев облыста 10-12 күнге жететін дизель отынының қоры бар екенін айтты.
– Дизель отыны «Конденсат», «Меркурий», «Бином» және «Нефтэк»ЖМҚС-тарында еркін сатылымда пайда болды. Литріне 262-263 теңгеден беріледі. «Нефтэктің» бағасы біршама қымбат – литріне 269 теңге. Бұл бұрыңғыдан қымбаттау, – деп атап өтті Қайрат Мұхамбетқалиев.
