Оралда сұйытылған газ 12 теңгеге қымбаттады

Көліктерге газ құятын автокөлік иелері жанармай құю бекеттерінің бағасы бір аптада екі рет көтерілетінін айтады.

Оралдағы сұйытылған газдың бағасы қазір литріне 85 теңгеден 89 теңгеге дейін түрленеді, өткен аптада бағасы 76 теңге болды.

Вадим Нугманов өзінің шетелдік көлігін газ құю бекеттерінде үнемі толтырып отырады және бір апта ішінде сұйытылған газдың бағасы 12 теңгеге өскенін айтады.

— Сол аптада сәрсенбіде Зашаған ауданындағы жанармай құю бекетінде мен толық бакты литріне 76 теңгеден газ толтырдым, содан кейін жексенбіде — 82 теңгеден, ал үш күннен кейін осы сәрсенбіде литр бағасы 88 теңгеге жетті. Демек, баға әр үш-төрт күн сайын 6 теңгеге өсіп отырады, және менің түсінуімше, бұл шек емес! Шамасы, аптаның соңында газ әлі де қымбаттайды», — дейді Вадим Нугманов.

Қаланың әр түрлі жанар-жағар май құю станцияларындағы газ бағасы шынымен де өсті, қазір олар 85-тен 89 теңгеге дейін. Жанармай құю бекеттерінің қызметкерлері газ отынына бағаның өсуі туралы түсініктеме бермейді.

Мария Драчева