Оралда ыстық су мен жылуға тарифті 33% – ға көтеруді сұрайды
Бұл мәселе бойынша көпшілік тыңдаулар 29 қазанға жоспарланған.
Қазір ыстық су мен жылуға 2016 жылы бекітілген бағалар қолданылады, атап айтқанда 1гкал үшін 3 995,73 теңге ( ҚҚС бағасы көрсетілген). Осы жылдың сәуір айында «Жайықжылуқуат» АҚ жылу тарифін 30% – ға көтеруді сұрады, алайда маусым айында кәсіпорын басшылығы өтінімді кері қайтарып алды.
Бүгін, жетінші қазанда, Табиғи монополияларды реттеу комитетінің БҚО бойынша департаменті басшысының орынбасары Гүлжаз Қазбекова «Жайықжылуқуат» АҚ 2026 жылға дейін қолданылатын жылу энергиясына жаңа тарифті бекітуге қайтадан өтінім бергенін айтты.
– «Жайықжылуқуат» АҚ табиғи монополиялар субъектісі тарифті 33% – ға көтеруді сұрайды. Халық үшін 1 Гкал үшін 3 995,73 теңге қолданыстағы тариф кезінде олар 5 315,01 теңге мөлшерінде тариф бекітуді сұрайды. Бірақ өтінім қазір қаралуда және мұндай мөлшерде тарифтің көтерілуі туралы айтуға әлі ерте, – деді Гүлжаз Қазбекова.
Көпшілік тыңдаулар 29 қазан күні сағат 15:00-де өтеді. Соңғы шешім 29 қарашада қабылданады.
