«Бағаның өсуіне сыбайлас жемқорлық кінәлі» — БҚО әкімі
БҚО әкімі Ғали Есқалиев құрылыс бөлімінің бастығы Арман Өксікбаевтың ірі пара алды деген күдікпен ұсталуына өз көзқарасын білдірді.
«Заңсыз және оңай алынған ақшаны жемқор тауар бағасы туралы ойланбастан оңды-солды жұмсайды, бұл нарықтағы инфляцияға әкеледі», — деп жазды облыс әкімі өзінің Фейсбуктегі парақшасында.
«Құрылыс материалдары мен қызметтеріне бағаның өсуі жағдайында біз адал құрылыс компанияларымен бірге өз нысандарын уақытында және сапасын жоғалтпай аяқтау үшін қосымша ресурстар іздейміз. Мұндай жағдайлар туралы хабарламалар пайда болған кезде қатаң әрекет ету қажет. Мен кінәлілер жазалануы үшін тергеу барысын қадағалаймын».
Есқалиев мемлекеттік жобаларда жұмыс істейтіндердің барлығын заңсыз ұсыныстар мен бопсалаушылыққа бой алдырмауға шақырды.
«Мен ешкімге ешқандай заңсыз тапсырма бермеймін және оны өз орынбасарларым мен әкімдерімнен талап етемін. Егер мұндай фактілер бар болса, менің жеке whatsapp нөміріме +77017776037 «Сыбайлас жемқорлық» белгісімен хабарлаңыз.
