Нашар интернет байланыс операторларына 92 млн теңге айыппұл салынды

Цифрлық даму, инновациялар және аэроғарыш өнеркәсібі министрі Бағдат Мусин елді мекендердегі интернет сапасын зерттеу үшін деректерді берудің ең төменгі шектері енгізілгенін айтты.

Көптеген ауылдарда мектеп оқушылары Интернетке қол жеткізу проблемаларын бастан кешуде.

– Бұрын стандарттар болмаған, егер 3G болса, бұл жеткілікті деп қабылдадық. Бірақ біз әлемдік тәжірибені қарап шығып, ең төменгі параметрлерді бекіттік: 3G үшін – 1 мегабит, 4G үшін – 5 мегабит. Егер олар (параметрлер) сәйкес келмесе, онда біз айыппұл салуға дайынбыз. Бүгінде біз 408 тексеру жүргізіп, 92 миллион теңгеге айыппұл салдық, — деп хабарлады Бағдат Мусин Мәжіліс отырысында.

Қазақстан Үкіметі байланыс операторлары қамтамасыз етуі тиіс интернеттің ең төменгі жылдамдығын белгілеуге шешім қабылдады. Бұрын бұл шек реттелмеген.

Байланыс қызметтері сапасының бекітілген ең төменгі параметрлері: 3G – 1 мегабит (МБ)/сек, 4G – 1 МБ/сек, тіркелген Интернет үшін-тарифтің көрсетілген жылдамдығынан кемінде 70%.

Байланыс қызметтерін сапасыз көрсеткені үшін мемлекет байланыс операторларына айыппұлдарды 100 АЕК-тен 1000 АЕК-ке дейін (2 917 000 теңге) арттырды.

ЦДИАӨМ деректері бойынша, Қазақстанның 6 459 елді мекенінің 5214 ауылы, 88 қаласы және 30 қала үлгісіндегі кенті Интернетке кеңжолақты қолжетімділікпен қамтамасыз етілген. Жалпы, цифрландыру министрі атап өткендей, интернетсіз қалған 1178 ауыл онда 127 мың адам тұрады. («Орда»)