БҚО шаруа қожалықтарында маусымда 400 өзбек жұмыс істейді

Облыс бойынша 32 шаруашылық жұмыс қолындағы тапшылықты бастан кешуде-жергілікті тұрғындар айыр, кетпенмен жұмыс істегісі келмейді, сондықтан фермерлер Өзбекстаннан квота бойынша жұмысшыны жаздыруға мәжбүр.

Батыс Қазақстан облысының жұмыспен қамтуды үйлестіру және әлеуметтік бағдарламалар басқармасы басшысының м.а. Исатай Мыңбаев Өңірлік коммуникациялар қызметінде өткен брифингте облыс бойынша 32 шаруа қожалығы Өзбекстаннан 3 айдан бір жылға дейінгі мерзімге қызметкерлерді тартуға өтінім бергенін айтты.

Спикер барлық шаруашылықтар шетелдік азаматтарды егіс және егін жинау жұмыстарын жүргізу үшін, сондай-ақ малға күтім жасау үшін маусымдық жұмысшылар ретінде тартатынын түсіндірді.

Жоғарыда аталған басқарма ауыл шаруашылығы саласына маусымдық қызметкерлерді тартуға ғана еңбек рұқсаттарын береді. Мыңбаев құрылыс жұмыстарын орындау үшін ҚР-да шетелдік маусымдық жұмысшыларды тартуға заң жүзінде тыйым салынғанын атап өтті.

Мәселен, 2021 жылдың 11 айында БҚО-ның мал және өсімдік шаруашылығы шаруашылықтары Өзбекстаннан 400 жұмысшыны далаға және кошарда еңбек етуге алып келді.

Сонымен қатар, жағдай өткен жылдармен салыстырғанда өзгерген жоқ. 2019 жылы біздің облыстың егістіктері мен жайылымдарында 400 өзбек, 2020 жылы 360 адам жұмыс істеді.

– Жыл сайын шаруа қожалықтары Өзбекстан тұрғындарын мал бағу және көкөніс өсіру жұмыстарына тартуға мәжбүр. Себебі оларға жергілікті тұрғындар арасында өздері үшін жұмысшылар табу қиын, – деді Исатай Мыңбаев. – Біздің адамдар мал шаруашылығы мен өсімдік шаруашылығында жұмыс істегісі келмейді.

Людмила КАЛАШНИКОВА