Оралдағы өз-өзіне қол жұмсау туралы полицияның нұсқасына туған – туысқандары сенбейді

Дүйсенбі, 6 желтоқсанда Молдағалиев көшесіндегі «Нирвана» саунасында полиция қызметкерлері мекеменің 44 жастағы иесі Г. Гүлнардың денесін тапты.

Полиция сот-медициналық сараптамаға сәйкес, әйелдің өлімі асулы тұрған кезде болғанын хабарлады. Суицид фактісі бойынша сотқа дейінгі тергеу басталды.

Алайда, қайтыс болған әйелдің туыстары полицияның мәлімдемесімен келіспейді.

Олардың айтуынша, Гүлнар 3 желтоқсанда жоғалып кеткен. Полиция оны іздеуді үш күннен кейін 6 желтоқсанда бастады. Гүлнар «Нирвана» саунасының аумағында жұмыс істемейтін моншада өлі күйінде табылды.

Туыстары моншаның есігі құлыпқа жабылғанын айтады. Оны ашу үшін құтқарушыларды шақыруға тура келді. Ішінде моншаның кілті табылған жоқ. «Біреу есікті сыртынан жауып, кетіп қалған», — дейді қайтыс болған әйелдің туыстары.

Сондай-ақ, туыстары Гүлнардың денесінде гематомаларды байқағанын айтады.

«Ол мүмкін емес өз-өзін ұрып, сосын асылып қалуы?»– дейді Гүлнардың туыстары.

Туыстары оның бірге тұратын адамы өлтіруге қатысы бар деп күдіктенеді, оны соңғы рет 5 күн бұрын көрген. Қайтыс болған әйелдің туыстарының айтуынша, саунадан үш миллион теңгеге жуық ақша жоғалып кеткен.

– Бұл суицид емес. Гуля көңілді адам болатын. Ол өмірді жақсы көрді, оның жоспарлары көп болды. Ол ұлын Америкаға оқуға жібергісі келді, ата-анасына көмектесті. Ол өмірге риза еді, ол үшін үмітсіз жағдайлар болған жоқ», — деді туысы Назира.

7 желтоқсанда Гүлнардың туыстары полицияға қылмыстық іс қозғау туралы арыз жазды.

Олардың айтуынша, әйел полицияға бірге тұрған адамына бірнеше рет арызданған.

Туыстары оның жерлеу рәсіміне келмегенін айтады.

Талғат Омаров