БҚО-да үш мыңнан астам адам «Pfizer»компаниясының вакцинасын алды

Вакцинацияланғандардың қатарына жүкті әйелдер, бала емізетін аналар мен жасөспірімдер кіреді, деп хабарлады БҚО денсаулық сақтау басқармасы басшысының орынбасары Гүлнар Абдрахманова.

— «Pfizer «компаниясының» Комирнати » вакцинасына барлығы 3 376 адам егілді, оның ішінде 92 жүкті әйел, 1 317 бала емізетін ана және 1 967 жасөспірім, — деді Гүлнар Абдрахманова.

Ол 22 қарашадан бастап облыс бойынша ревакцинация басталғанын еске салды. Қазіргі уақытта ревакцинациядан 2 825 адам өтті.

— Иммунитет деңгейін қолдау үшін қайта вакцинациялау қажет. Бас санитарлық дәрігердің 8 желтоқсандағы Қаулысына сәйкес, ревакцинация екпенің екі кезеңі жасалғаннан кейін 6 ай аралықпен бір рет жүргізіледі, — деді Гүлнар Абдрахманова.

Оның айтуынша, вакцина алған тұрғындар санының өсуі аймақтағы КВИ-ден ауруды, асқыну қаупін және өлімді азайтуға көмектесті.

— Егу науқаны басталғаннан бері облыс бойынша барлығы 251 611 адам егілді, бұл жалпы жоспардың 60,7% — ын құрайды. «Спутник V» вакцинасын 179 821 адам, «QazVac» — 8 325 адам, «Hayat-Vax» — 24 992 адам, «Corona-Vac» — 7 720 адам, «VeroCell» — 20 753 адам алды. ІІ компонентті барлығы 236 067 адам алды, — деп хабарлады Абдрахманова.

Мария ДРАЧЕВА