Оралда жаңа жылды тойлауға 7 млн теңге жұмсалады
Жаңа жылдық безендіру және шыршаларды қаланың бірнеше нүктелеріне орнату үшін бұрын сатып алынған бұйымдар қолданылады.
Қала әкімдігінің баспасөз қызметі хабарлағандай, Оралда жаңа жылды тойлауға жеті миллион теңге қарастырылған. Бұл ақшаның жұмсалуы:
- мүгедек балалар мен аз қамтылған отбасылардан шыққан балалар үшін әкімнің сыйлықтарын тапсырумен балалар мерекелері;
- жаңа жылдық отшашу;
- Тұңғыш Президент алаңын, Абай алаңын жаңажылдық безендіру;
- Жарық МАФтарын орнату;
- Абай алаңында тірі шыршаны безендіру үшін жарық гирляндалары мен жаңа жылдық ойыншықтар сатып алу;
- мерекелік концерттер.
— Тұңғыш Президент алаңында, қалалық мәдениет және демалыс саябағында, «Лепесток» скверінде, жасанды бассейн ауданында Некрасов көшесінде, Деркөл кентінде, Зашаған кентінде Мөңкеұлы көшесіндегі алаңда шыршаларды жаңажылдық безендіру және орнату үшін бұрын сатып алынған жаңа жылдық әшекейлер пайдаланылатын болады. Әртістерді шақыру жоспарланбаған, — деп атап өтті ведомстводан.
26-30 желтоқсан аралығында аз қамтылған отбасылар мен мүгедек балаларға арналады. Оларды Аяз Ата мен ертегі кейіпкерлері құттықтайды. 31 желтоқсанда отшашумен мерекелік бағдарлама Тұңғыш Президент алаңында қала тұрғындары мен қонақтары үшін өтеді. Сондай-ақ, іс-шаралар мәдениет мекемелерінің барлық кенттік және ауылдық округтерінде аталып өтпек.
