Орал-РФ шекарасы автожолын орташа жөндеуге 1,4 млрд теңгеден астам қаражат жұмсалады

Жұмысты 2022 жылдың шілдесінде аяқтау жоспарланған, деп хабарлайды inbusiness.kz тілшісі.

Тапсырыс беруші «ҚазАвтоЖол «ҰК» АҚ мен жеткізуші «ТҮРКІСТАН ЖОЛСЕРВИС» ЖШС арасындағы келісім 17 желтоқсанда жасалды. 

Тендерлік құжаттама бойынша жөндеу Батыс Қазақстан облысының Орал – РФ шекарасы (Бузулук) Республикалық маңызы бар автожолының 5-33 шақырымында жүргізіледі.

«Жөнделетін учаске, барлық жол сияқты, республикалық маңызы бар жолдар желісіне жатқызылған және өңірді РФ Орынбор облысымен байланыстыратын көлік дәлізінің учаскесі болып табылады (Бузулук қаласына шығу). Әкімшілік жоспарда автожол учаскесі Батыс Қазақстан облысының Бәйтерек ауданында орналасқан», – деп техникалық ерекшеліктен көрінеді.

Айта кетейік, «ТҮРКІСТАН ЖОЛСЕРВИС» ЖШС – мен биыл республикалық маңызы бар РФ шекарасы (Самараға) – БҚО Шымкент автомобиль жолының учаскелерін орташа жөндеуге шарттар жасалды. Жалпы сомасы 3,5 млрд теңгеден астам.