Оралда мерекелік отшашу болады
Облыс орталығында 31 желтоқсанда 23 сағатта мерекелік отшашу болады. Ол Тұңғыш Президент алаңында өтеді. Мұнда биіктігі 22 метр болатын қаланың бас шыршасы орнатылды.
Орал әкімдігінде хабарлағандай, 31 желтоқсан күні сағат 20-да ертегі кейіпкерлері, Аяз Ата мен Ақшақардың қатысуымен мерекелік ойын-сауық бағдарламасы басталады.
«Қала тұрғындарын көптеген тосынсыйлар күтуде. Орал өңірінің үздік эстрадалық ұжымдары өнер көрсетеді. Бағдарлама мерекелік салютпен аяқталады», – деді Орал әкімінің орынбасары Мирболат Нұржанов.
Биыл жаңа жылды тойлауға қалалық бюджеттен жеті миллион теңге бөлінді. Бұл ақшаға балалар ертеңгіліктерін, жаңа жылдық отшашулар, қаланы мерекелік безендіру қарастырылған.
