Оралда перзентхана қызметкері жеделсаты шахтасында қаза тапты
Оралдағы облыстық перинаталдық орталықтың қызметкері жүк лифтінің кабинасы мен шахтаның арасында көз жұмды. Қайғылы оқиға туралы Батыс Қазақстан облысының ТЖД хабарлады.
Құтқарушылар төтенше жағдайға шақыру 31 желтоқсанда таңғы тоғызда түскенін атап өтті. Оқиға орнына БҚО ТЖД Жедел-құтқару жасағының қызметкерлері шықты.
«Шақыру үшінші перзентханадан келіп түсті, онда 50 жастағы зардап шегуші лифтші болып жұмыс істеді. Кабина мен жүк лифтінің шахтасы арасында әйелді қысып тастаған. Құтқарушылар денесін алып шықты»,-деп атап өтті БҚО ТЖД баспасөз қызметі.
Полиция аталған факті бойынша сотқа дейінгі тергеу басталғанын хабарлады. Істі саралау туралы шешім қабылданады.
«Алдын ала болжам бойынша, әйел лифт шахтасына құлап, содан кейін оны кабина қысып тастаған. Нәтижесінде жәбірленуші қайтыс болды», — деп түсіндірді облыстық полиция департаментінде.
Бірқатар сараптамалар тағайындалды. Сондай-ақ лифтке техникалық тексеру жүргізіледі.
