БҚО-да ауа райының қолайсыздығына байланысты жолдар жабылды
Батыс Қазақстан облысының бірнеше автожолдары бойынша қозғалыс 2 қаңтар күні таңертең жабылды. Аймақта қатты жел, боран соғып тұр.
«Қазавтожол» бірнеше жол учаскелеріндегі барлық автокөлік түрлері үшін қозғалыстың жабылғаны туралы хабарлады:
Самара-Шымкент, Оралдан РФ шекарасына дейін;
Самара-Шымкент, Подстепное кентінен-Ақтөбе облысының шекарасына дейін;
Орал-Тасқала-РФ шекарасы;
Атырау-Орал, Оралдан Атырау облысының шекарасына дейін;
Подстепное-Федоровка-РФ шекарасы.
Естеріңізге сала кетейік, жаңа 2022 жылдың алғашқы күні БҚО-да жол апатынан бірнеше адам қаза тапты.
