БҚО-да блокпосттар қалды
Батыс Қазақстан облысында 13 қаңтарда таңғы сағат 7-ден бастап ТЖ режимі алынып тасталды. Дегенмен, өңірде блокпосттардың жұмысы сақталуда. Полиция департаменті жұмысты жалғастыратындарын хабарлады.
– Мұндай шешім құқық қорғау органдарының экстремистік және террористік әрекеттерді ұйымдастырушыларды анықтау және ұстау бойынша жұмыс жүргізуіне байланысты қабылданды. Біздің міндетіміз – бұл адамдардың облыс аумағына кіруіне жол бермеу, – деді БҚО ПД ресми өкілі Болатбек Нұрғожин.
БҚО-да шағын және орта бизнестің барлық субъектілерінің жұмысы қалпына келтірілді, банктердің барлық филиалдары ашылды, сауда орталықтары мен базарлар жұмысын қайта бастады, жер үсті және әуе қатынасы жолдары ашылды.
Жеке және заңды тұлғалардан уақытша алынған қаруды қайтару жүргізіледі. Инкассаторлық қызметтердің полицеймен бірге жүруі алынып тасталды.
– ТЖ кезінде полиция бөлімдеріне 903 адам жеткізілді, 91 адамға қатысты ҚР ӘҚБтК-нің 476-бабы бойынша әкімшілік іс қозғалды( қамауға алу – 10, ескерту-62, 19 материал сотта қаралуда), ҚР ӘҚБтК-нің 488-бабы бойынша 6 құқық бұзушы тартылды», – деп атап өтті полицияда.
