Оралдықтар көшеде сағат 23:00-ден кейін жүре алады
Орал өңіріндегі жағдайдың тұрақтануына байланысты ТЖ режимінен қалыпты режимге ауысып, коменданттық сағат тоқтатылды. Бұдан былай оралдықтар уақытқа шектеусіз қала бойынша еркін жүре алады.
Полиция БҚО-да төтенше жағдай кезінде коменданттық сағатты бұзғаны үшін 76 адам ұсталғанын хабарлады. Барлық ұсталғандарға, соның ішінде ойын-сауық мекемелерінің иелеріне қатысты әкімшілік іс қозғалды. Олардың істері сотқа жіберілді.
Төтенше жағдай режимінің жойылуымен қатар, азық-түлік дүкендерінде алкогольді ішімдіктерді сатуға тыйым салынды.
Бірақ, өңірдегі оң өзгерістерге қарамастан, облыс аумағына кіру кезінде блокпосттар тәулік бойы сақталады, ал қалада тәртіпті жаяу және автомобильдік патрульдер қадағалайды, дейді БҚО ПД баспасөз хатшысы Болатбек Белгібеков. — Бұл жаппай тәртіпсіздіктерге қатысы бар қатысушыларды анықтау және оларды біздің облыс аумағына кіргізбеу үшін қажет, — деп түсіндірді Белгібеков.
Баспасөз хатшысы сондай-ақ БҚО-да митинг күні ұсталғандардың тағдыры туралы айтты.
Оның айтуынша, облыс бойынша 900-ге жуық құқық бұзушы ұсталып, полиция бөліміне жеткізілген. — Бүгінгі таңда әзірге әкімшілік тәртіпте тек 6 адам ғана сотқа тартылды. Көптеген ұсталғандармен профилактикалық сипаттағы әңгімелер жүргізілді, — деді ол.
Ақсайда митингке 300-400-ге жуық адам шықты, бірақ қоғамдық тәртіп бұзылмады. Сондықтан БҚО ПД бастығы, облыс әкімінің бірінші орынбасары және облыс прокуроры митингіге қатысушылармен әңгімелесуден кейін олар тарап кеткен.
Серік Есенов
