Маңғыстау тұрғындары Тоқаевқа бейнеүндеу жолдады

Маңғыстау облысының тұрғындары қуғын-сүргін туралы хабарларға байланысты Қазақстан президенті Қасым-Жомарт Тоқаевқа бейнеүндеу жолдады.

– Біздер, Маңғыстау облысы Маңғыстау ауданы Жыңғылды ауылының азаматтары 2-8 қаңтар аралығында өткен бейбіт шеруге қатысқан азаматтарды заңсыз қудаламауыңызды сұраймыз. Әлеуметтік желілерден естіп жатырмыз.

Заңсыз үйге кіріп, ұрып-соғып, алып кетіп, жасамаған заттарын «жасадын деп, мойында деп» ұрып жатқан жағдайларды көрдік. Сондай жағдайды болдырмауыңызды сұраймыз. Бейбіт шеруге қатысқан азаматтардың ешқайсысы жазықсыз қудаланбасын, – деп мәлімдеді маңғыстаулықтар жұма күні өздерінің бейне үндеуінде.

Естеріңізге сала кетейік, 14 қаңтар күні жетекші құқық қорғаушылар Тоқаевты қуғын-сүргінді тоқтату үшін шаралар қабылдауға шақырды. Сонымен қатар, мемлекет басшысына танымал қазақстандық продюсер Баян Мақсатқызы да осындай үндеумен жүгінді. Ол президенттің уәделері тазарту мен құғын-сүргін ұйымдастыру арқылы диверсия жасайтынын мәлімдеді.

14 қаңтар күні кешке Тоқаев бас прокуратураға ұсталғандардың кінәсінің дәрежесін анықтап, «жауаптылықты ауырлататын мән-жай болмаса, жазаны жеңілдету үшін шара қабылдауға» тапсырды.

Дереккөзі: orda.kz