Ұрылар ұзаққа бармады

БҚО аумағында трансформатордан қосалқы бөлшектерін ұрлағандар 10 829 000 теңге материалдық шығын келтірген.

25 қаңтарда Казталов аудандық ПБ кезекші бөліміне «Бат.ҚазТЭК» ЖШС өкілінен арыз түсті.Түнде белгісіз тұлғалар Казталовка кентінің аумағында болып, ЖШС аумағына заңсыз кірген, сол жерден трансформатордан қосалқы бөлшектерді ұрлап кеткен.

​27 қаңтарда жүргізілген жедел алдын алу іс-шарасы барысында ұрлыққа қатысы бар деп болжанмен мемлекеттік нөмірі жоқ Volkswagen Passat B5 автокөлігі тоқтатылды.

​29 қаңтар күні таңғы сағат 04: 00 – де Чапаев кентінің жанындағы Орал-Атырау тас жолында РФ жалған нөмірі бар күдікті автокөлік тоқтатылды. Көлік салонында Қарағанды қаласының 40 және 37 жастағы тұрғындары болған. Тексеру барысында ұрланған мүлік табылды.

Полицейлер аталған тұлғалардың Жәнібек және Жаңақала аудандарының аумағындағы ұқсас 3 ұрлыққа қатыстылығын анықтады

Барлық ұрлықтар бойынша жалпы материалдық шығын 10 829 000 теңгені құрады.