БҚО полиция департаменті бензинді жоғары бағамен сатып алғаны белгілі болды
Сыбайлас жемқорлыққа қарсы мониторингі барысында Орал қаласындағы «Әділдік жолы» РҚБ филиалымен goszakup.gov.kz БҚО полиция департаменті Аи-92 бензинін «МегаОйлОрал» ЖШС жеткізушісіне 415 мың теңге негізсіз артық төлеу және жоғары бағамен сатып алу фактілері анықталды.
2022 жылдың 26 қаңтарында полиция департаменті бастығының орынбасары А. С.Серіков «МегаОйлОрал» ЖШС директоры К. Н. Брмановпен 1 119 300 теңге сомасына №86 Мемлекеттік сатып алу туралы шарт жасасқан. 5 330 литр АИ-92 бензині 1 литр үшін 210 теңге белгіленген.
Сонымен қатар, 2022 жылдың 6 қаңтарындағы №2 бұйрығымен Энергетика министрінің м.а. АИ-92 маркалы бензинді бөлшек саудада өткізуге литріне 1️82 теңге сомасында шекті бағалар белгілен еді.(ҚҚС қоса алғанда бағаларды мемлекеттік реттеу). Ал, №065 талонда көрсетілгендей 149 240 теңге артық төленген.
«МегаОйлОрал» ЖШС жеткізушісіне 3 991 484 теңге аударылды, оның ішінде 415 184 теңге негізсіз артық төленді. Осылайша, ПД Мемлекеттік сатып алу туралы заңнаманы бұзуға жол беріп, тауарларды мемлекет белгілеген бағадан асып түсетін бағамен сатып алудан көрінеді.
7 ақпан күні «Әділдік жолы» Табиғи монополияларды реттеу департаментіне «МегаОйлОрал» ЖШС жеткізушісін ӘҚБтК-нің 171-бабы (жеткізушілердің мұнай өнімдерін бөлшек саудада өткізудің шекті бағасын арттыруы) бойынша әкімшілік жауапкершілікке тарту туралы өтініш білдірді. БҚО бойынша Ішкі мемлекеттік аудит комитеті департаментіне заңсыз шарттарға қол қойған, сондай-ақ бағаны төмендету туралы ұйғарым шығарған БҚО ПД бастығының орынбасары А. С. Серіковты жауапкершілікке тарту туралы өтініш жолданды.
