БҚО-да мал дәрігерлері малға QR-кодпен анықтама беретін болады

17 ақпаннан бастап барлық ветеринарлар арнайы қосымшаны пайдалануға міндетті болады QRDoc.kz»,-деп хабарлады бүгін Батыс Қазақстан облысының ақпараттандыру, мемлекеттік қызметтер және архивтер басқармасының басшысы Петр Лежников облыс әкімдігінде өткен кеңесте.

Бұл қосымша мал қозғалысын мониторингілеу үшін әзірленген, оның көмегімен облыстағы үй аулаларындағы барлық мал есепке қойылады. Бұл мал ұрлығымен, жалған анықтамалар сатумен, сондай — ақ антисанитариялық жағдайда сойылған ет сатумен күресуге көмектеседі, — деп түсіндірді Лежников.

Малды тасымалдау кезінде иесі ветеринардан анықтама алады, онда ол жануарлардың тізімін, баратын жері, сатып алушысы, бағыты, көлігі және мақсаты — бордақылау, сою немесе сату туралы мәліметтерді көрсетеді. Алайда, ветеринарлар көбінесе тіркеуде тұрмаған малға немесе мамандандырылған сою пунктінде сойылмаған малға, гигиенаны сақтамай немесе ауруды тексерусіз жалған анықтамаларды сатады. Сонымен қатар, кейде ұрланған мал базарларға түсіп кетті.

— Енді мал дәрігері беретін барлық анықтамаларда QR-код болады, оны оқи отырып, мал туралы барлық ақпаратты – қай ауылдан, қай шаруашылықтан және қайда жіберілетіні туралы алуға болады. Егер мал сойылып, ет базарға түссе, онда жануардың қай сою пунктінде сойылғаны туралы ақпарат та қол жетімді болады. Қазір біз қосымшаны тестілік режимде іске қостық, ал 17 ақпаннан бастап барлық жерде міндетті түрде QRDoc. Kz пайдалану туралы бұйрық шығады, — деп түсінді Лежников.

Сонымен қатар, оның айтуынша, қосымша барымташылармен күресуге көмектеседі, полицияға малды ұрлап бара жатқан кезде ақпаратты тез оқуға көмектеседі.

Ақмарал Шаяхметова