Қазақстанда ЖКО кезінде сақтандыруды ресімдеу рәсімі жеңілдетіледі

Қаржы нарығын реттеу және дамыту агенттігі сақтандыру жағдайын ресімдеуді жеңілдететін заң жобасын дайындауда.

Қазақстанда сақтандыру жағдайын ресімдеудің жеңілдетілген тәртібін енгізу жоспарлануда. Ол барлық мәселелерді полицияның және сот шешімінің қатысуынсыз шешуге мүмкіндік береді. (Sputnik).

Қазіргі уақытта сақтандыру төлемдерін алу үшін ЖКО қатысушылары полиция қызметкерлерінің келуін күтуі, барлық қажетті құжаттарды толтыруы, содан кейін сот шешімін күтуі тиіс. Бұл процедуралар екі айға созылуы мүмкін.

Қаржы нарығын реттеу және дамыту агенттігі Қазақстанда сақтандыру жағдайын ресімдеудің жеңілдетілген тәртібін (еуропротокол) енгізетін заң жобасын дайындауда.

Департамент еуропротокол бірнеше шарттарды орындау кезінде қолданылады деп санайды:

– ЖКО-да екі автокөлік соқтығысты;

– ЖКО-ға қатысушы автокөліктер ғана зақымдалды, құрбандар мен зардап шеккендер болмауы тиіс, үшінші тұлғалардың мүлкі зардап шекпеуі тиіс;

– ЖКО қатысушылары арасында кім кінәлі, келіспеушілік болмауы тиіс.

Осы шарттар орындалған жағдайда сақтандыру жағдайы полиция қызметкерлерінің қатысуынсыз және сот шешімінсіз ресімделетін болады. Төлем ЖКО әрбір қатысушысы бойынша 100 АЕК-тен (306 мың теңге) аспайтын болады.

Агенттік ЖКО-ны ресімдеу ЖКО қатысушылары қай компанияда сақтандырылғанына қарамастан, арнайы мобильді қосымша арқылы жүзеге асырылатынын қосты.