Орал әкімдігі 10 қалалық саябақты абаттандыруға қаржы іздестіруде

Скверлер мен қоғамдық кеңістіктерді абаттандыру жобаларының эскиздері дайын, бұл идеяларды іске асыру құны – 2,5 миллиард теңге. Әкімдік бұған бюджеттен қаражат жұмсап қана қоймай, жергілікті бизнесмендердің инвестицияларын тартуды жоспарлап отыр.

Бұл туралы «ОА» Орал қаласы әкімінің абаттандыру секторына жетекшілік ететін орынбасары Мирас Мұлкай мәлімдеді.

– Өткен жылы біз қоғамдық кеңістікті дамыту тапсырмасын алдық және скверлерді абаттандыру бойынша эскиздер дайындадық, жобалық-сметалық құжаттамаға 12 млн теңге жұмсадық. Эскиздер жақсы, тек абаттандыруды ғана емес, сонымен қатар аумақтарды көгалдандыруды да қамтиды, – деп атап өтті Мирас Мұлкай.

Әкім орынбасарының айтуынша, Саратов тас жолы ауданындағы қоғамдық аумақты абаттандыру сияқты ірі жобалар жергілікті бюджет қаражатынан қаржыландырылатын болады.

– Біз жергілікті кәсіпкерлер мен меценаттар үшін гүлзарларды абаттандыруға өз қаражаттарын салу үшін ұсыныс жасағымыз келеді, олардың орнына осы аумақтарда табыс әкелетін дүкендер немесе басқа да объектілер аша алады. Абаттандыру бағдарламасына бизнестің қатысуынсыз бюджетке тым көп жүктеме жүктеледі. Бізде бизнестің қоғамдық кеңістікке салымдарының мысалы бар – бұл фермер Голоухов жайластырған «Гаухар» жатақханасының жанындағы балалар алаңы бар сквер, – деді Мирас Мұлкай.

Үш жыл ішінде абаттандыруға жататын және ЖСҚ дайын гүлзарлар:

Некрасов сквері, «Омега» көпір аймағы, №44 ЖОББМ ауданындағы аллея, Журналистер сквері, «Ротонда» сквері, «Орал» дүкені ауданындағы сквер, М.Өтемісұлы атындағы БҚМУ жанындағы арбат, қаланың солтүстік-шығыс бөлігіндегі гүлзар, «Орал-Саратов» трассасындағы демалыс аймағы, «Жастар»аллеясы.

Ақмарал ШАЯХМЕТОВА