БҚО-да қант дүрлікпесі: қор үш айға жетеді
Батыс Қазақстан облысында қант қымбаттауда. Базарлар мен дүкендердің сөрелерінде оны килограмы үшін 330 теңгеден 400 теңгеге дейін сатуда,деп хабарлайды «Хабар 24» тілшісі.
Тұрақтандыру қорлары мен көтерме сауда қоймаларындағы қант үш айға жетеді, деп хабарлайды сауда және интеграция министрлігі. Ведомствоның мәліметінше, еліміз тұтынылатын қанттың 60% импорттайды. Оралда қант бір қолға 5 килодан сатылады. Оның құны 330-дан 430 теңгеге дейін өзгереді. Тұрғындар қантан басқа жарма, ұн және көкөніс қорын жинап алуға асығуда.
Орал тұрғыны: – Жаңалықтарда Ресейде Санкциялар қазір күшейтілгенін айтады, бұл бізге әсер етеді. Қант бар. Бірақ қазір ол жақта қолдарына 5 кг беретіні жазылған.
Өткен жылы Қазақстан 506 млн тонна шикі қант импорттады, оның жартысынан көбі көрші Ресейден. Шекаралас Батыс Қазақстан облысында ресейлік және белорустық қант тұтынылатын көлемнің 80% – ын құрайды.
Мейрам Қабдығалиев, кәсіпкерлік және ИИДМ басқармасының ресми өкілі: – Ресей Федерациясына Санкциялар пакетіне байланысты қант өндіретін ірі зауыттар бүгінгі таңда тауар шығаруды тоқтатты. Жергілікті деңгейде біздің көтерме қоймаларымызды толтыру бойынша жергілікті өндірушілермен ынтымақтастық орнатылуда.
Қаланың қоймаларынан азық-түлік өнімдерін ресейліктер сатып алып жатыр деген қызу ақпарат дүрбелең тудырды. Кәсіпкерлік басқармасы қауесеттерге сенбеуді сұрайды.
