«Жүрегім әлі күнге дейін ауырады.» Оралдағы эскалаторда анасы тоғыз айлық қызын қолынан түсіріп алды

Оралда дәрігерлер сауда орталығында эскалатордан құлаған тоғыз айлық қыздың өмірі үшін күресіп жатыр. Әлеуметтік желілерде қызды қолынан шығарып алған кадрлар пайда болды, деп хабарлайды Tengrinews.kz тілшісі.

Әлеуметтік желілерде қолданушылардың бірі қайғылы жағдай оның көз алдында адамдар көп болған кезде болғанын айтты.

«Жүрегім әлі күнге дейін ауырады. Бізге, ересек адамдарға, көз алдымызда болғаннан жағдайдан әлі денеміз түршігуде, бала ісінген басымен қозғалмай жатты. Ол нөлдік қабаттың аралығына ұшып кетті. Мен оның аман қалуын сұраймын және дұға етемін. Біреудің кішкентай ханшайымы», – деп жазды қолданушы.

Денсаулық сақтау басқармасы Жедел медициналық жәрдем станциясына қоңырау 13 наурыз күні түстен кейін Asia Mall сауда орталығынан түскенін хабарлады.

«Эскалатордан тоғыз айлық бала құлады. Зардап шеккен қыз қалалық көпбейінді ауруханаға жеткізілді. Оған мидың жабық жарақаты, контузия, кең қан кету диагнозы қойылды. Жағдайы өте ауыр, қыз өкпені жасанды желдету аппаратына қосылған», – деп атап өтті облыстық денсаулық сақтау басқармасында.

БҚО полиция департаменті баспасөз қызметінің мәліметінше, баланы 35 жастағы анасы сауда орталығының бірінші және екінші қабаттарының арасында қолынан түсіріп алған. Аталған факті СДТБТ-де тіркеліп, тексеру жүргізілуде.