БҚО бойынша Сыбайлас жемқорлыққа қарсы қызмет департаментінің басшысы тағайындалды

ҚР Сыбайлас жемқорлыққа қарсы іс-қимыл агенттігі төрағасының бұйрығымен Агенттіктің Батыс Қазақстан облысы бойынша департаментінің жаңа басшысы Нұрлан Қыдырбаев тағайындалды

Ведомствоның ресми телеграм-каналында Қыдырбаевтың осы уақытқа дейін Агенттік қызметі басшысының орынбасары болғаны айтылған. 2019-2020 жылдары Қыдырбаев елордадағы Агенттік департаментін басқарды.

Нұрлан Қыдырбаев 1992 жылы Мәскеу темір жол және көлік инженерлері институтын, 2001 жылы Қ. А. Ясауи атындағы Халықаралық қазақ — түрік университетін бітірген.

1993-2018 жылдары ұлттық қауіпсіздік органдарында әр түрлі лауазымдарда қызмет атқарды.

Еңбек өтілі:

Орта мектеп оқытушысы (1984);

Ұлттық қауіпсіздік органдарындағы кіші жедел уәкіл, жедел уәкіл, аға жедел уәкіл (1993-1999);

Қазақстан Республикасы Ұлттық қауіпсіздік комитетінде басшылық лауазымдардағы қызмет (1999-2007);

Солтүстік Қазақстан облысы бойынша Ұлттық қауіпсіздік комитеті департаментінің бастығы (11.2007-10.2011);

Ақтөбе облысы Ұлттық қауіпсіздік комитеті (ҰҚКД) департаментінің бастығы (28.10.2011-07.2016);

Нұр-Сұлтан қаласы бойынша Сыбайлас жемқорлыққа қарсы қызмет департаментінің басшысы (07.2019 бастап)

Талғат Омаров