БҚО-да балық аулауға шектеу қойылады
Мақсаты-балықтың уылдырық шашуына және одан әрі көбеюіне қолайлы жағдай жасау.
1 сәуірден бастап БҚО су айдындарында балықты сақтау акциясы басталады. «Бекіре – 2022» ауқымды іс-шарасын балық инспекторлары полиция департаментімен және шекара қызметімен бірлесіп өткізетін болады. Акцияның әрекет ету кезеңінде облыстың су айдындарында балық аулауға шектеу қойылады. Мақсат-балықтың уылдырық шашуына және одан әрі көбеюіне қолайлы жағдай жасау.
Кәсіпшілік балық аулауға тыйым салу 1 мамырдан 15 маусымға дейін қолданылады. Спорттық-әуесқойлық балық аулауды шектеу ережелерін сақтамағаны үшін 10 АЕК дейін айыппұл қарастырылған.
Өткен жылы БҚО аумағында 93 бұзушылық анықталды. Айыппұлдар миллион теңгеден асты.
«Бұрын Жайық өзенінде су қоймаларына тыйым салу 10 сәуір мен 15 маусым аралығында болған. Енді мерзім 1 айға дейін қысқартылды. Әуесқой балықшылар 15 мамырға дейін балық аулай алады. 15 мамырдан 15 маусымға дейін тыйым салынады», – деді БҚО Ақжайық балық инспекциясы бөлімінің басшысы Николай Разваров.
