БҚО-дағы екі ауылды су басты
БҚО Жәнібек ауданындағы Жақсыбай және Таловка ауылдарын су басты. Әсіресе Жақсыбай тұрғындары көп зардап шекті.
Бұл ауылдардың тұрғындары екі күн бойы жақын маңдағы сай-саланың су деңгейінің көтерілуін бақылап, үйлерін су басудың алдын алуға тырысты. Бірақ кеше су ағыны тез көтеріле бастады және еріген су ауылдарға, содан кейін үйлерге кірді.
ТАҚЫРЫП БОЙЫНША ОҚЫҢЫЗ: БҚО-да еріген қар суы басқан кенттер мен су шайған жолдар саны артуда
ТАҚЫРЫП БОЙЫНША ОҚЫҢЫЗ: Оралда наурыз айынан бастап нормадан екі есе көп қар жауды
Ауыл тұрғындары-әйелдер, балалар, қарттар, 600-ден астам адам жергілікті мектеп ғимаратына көшірілді.
Қалған тұрғындар мүліктері мен малдарын құтқаруға тырысты. Бірақ мал қазір көбінде өліп жатыр, — деп хабарлады кент әкімі Алмат Қаратаев.
Оның айтуынша, су тасқыны олар үшін күтпеген жағдай болды. Ол Ресей жағындағы ағыс Торғын өзеніндегі бөгетті бұзуы мүмкін деп болжайды.
Сағат 10: 00-де ТЖ департаментінің қызметкерлері кентке келген жоқ. Аудан орталығынан көмекке жіберілген — техника мен адамдар да келмеді. «Олар енді бізге жете алмайды, енді бізге тек тікұшақпен ғана жетуге болады», — деді Қаратаев.
