«Жол азабын тартқан білер»
БҚО Казталов, Жәнібек және Бөкей ордасы аудандарының тұрғындары облыс орталығына дейінгі жолда 12-14 сағаттан жүреді. Басты себеп – жолдардың жағдайы нашар. Көктемгі-күзгі уақытта жолсыз жерлерге жету өте қиын. Бұл туралы сенатор Нариман Төреғалиев еліміздің Премьер-Министрінің атына өзінің депутаттық сауалында мәлімдеді.
Депутат, ел Президентінің 2019 жылы шешім қабылдауға тапсырма бергенін, бірақ бұл мәселе әлі орындалмағанын айтты.
Бұл мәселені, тұрғындар да сенат депутаттарының облысқа жақындағы жұмыс сапары кезінде көтерді.
«2019 жылы жобалық-сметалық құжаттама әзірленді. «Казталовка-Жәнібек-Ресей Федерациясының шекарасы» учаскесінің 145 шақырымы «Бисен-Онеге-Сайхин» автожолының 103 шақырымы, барлығы 248 шақырым, құрылысқа 4 мердігер анықталды. Жобалардың құны 57 млрд теңгені құрады. Жобаларды іске асыру мерзімі қыс айларын қоспағанда 21 айдан 23 айға дейін ұлғайтылды.
Қаржы уақытылы бөлінсе 2021 жылдың соңына қарай барлық құрылыс жұмыстары аяқталуы тиіс еді. Өкінішке орай, бәрі дұрыс болмады үш жыл ішінде 248 шақырым жолдың 55 шақырымы ғана салынды, егер осылайша жалғаса берсе, бұл учаскелердің құрылысы кем емес 4-5 жылға созылады», – деді депутат.
Сенатордың пікірінше, жол құрылысының уақтылы аяқталмауына бірнеше факторлар әсер етеді. Бұл қаржыландырудың жыл сайын толық көлемде жүргізілмеуі, құрылыс материалдарының күрт қымбаттауы, инертті материалдарды жеткізудегі қиындықтар, атап айтқанда өткір тапшылық жүк вагондары.
Мысалы, 2021 жылы қиыршық тастың қажетті көлемін тасымалдауға облыс айына 600 вагон жеткізу керек еді, бірақ, тек 12% жеткізілді.
«Сізден Қазақстан Темір жолы» АҚ мен Индустрия және инфрақұрылымдық даму министрлігіне Ақтөбе облысынан құрылыс материалдарын жеткізуге вагондарымен қамтамасыз етуді міндеттеуді сұраймыз, егер бұл мәселе шешілмесе, қажетті құрылыс материалдарын көрші Ресей Федерациясынан аймаққа тасымалдауға рұқсат етіңіз», – деді сенатор.
