ҚР колледждерінде студенттерді қабылдау және оқыту мерзімдері өзгерді
Құжаттарды қабылдау 20 маусымнан басталады. Енді әрбір талапкердің 4 колледжден төрт мамандыққа дейін таңдау мүмкіндігі бар, – деп хабарлады ҚР Білім және ғылым министрлігінің Техникалық және кәсіптік білім департаментінің директоры Насымжан ОСПАНОВА.
Оның айтуынша, оқуға түсу үшін құжаттарды электронды Үкімет порталы арқылы және тікелей колледжде беруге болады. Қабылдау емтихандары шығармашылық дайындықты қажет ететін мамандықтар бойынша және медициналық немесе педагогикалық бағытта мамандық таңдау кезінде болады. Осы оқу жылынан бастап барлық басқа мамандықтар бойынша емтихандар тоқтатылды.
Насымжан Оспанова жұмысшы мамандықтарына оқуға түсетін талапкерлер әңгімелесуден өтетінін түсіндірді. Орта буын және қолданбалы бакалавр мамандықтарына түсетіндер мемлекеттік тапсырыс бойынша оқыту конкурсына қатысады. Педагогикалық мамандықтарға үлкен конкурс-бір орынға 7 адамға дейін-шекті балл енгізілді. Енді болашақ студент колледжге түсу кезінде кем дегенде 4 балл жинап, эссе жазуы керек.
Жаңа оқу жылында колледж талапкерлерінің 4 колледжден 4 мамандыққа дейін таңдау мүмкіндігі бар. Бұл жағдайда таңдауды үш рет өзгертуге болады.
Колледждерде оқу мерзіміндегі өзгерістер маңызды жаңалық болып табылады
Насымжан Оспанова бұрын министрлікте түрлі біліктіліктер бойынша оқу мерзімі екі жылдан төрт жылға дейін белгіленгенін, бірақ енді бұл құқықтық норманы «ҚР Білім туралы» заңнан алып тастағанын хабарлады. Мамандарды даярлау және оқыту мерзімдері еңбек нарығының талаптарына сәйкес келетін болады. Колледждер басшылығы мен жұмыс берушілер қажетті түпкі нәтижелерге байланысты білім беру бағдарламаларының мазмұны мен оқу мерзімдерін дербес айқындайды.
Мария ДРАЧЕВА
