БҚО-да РФ қалаларына жолаушылар тасымалы қайта жанданды

Орал автовокзалының кассаларында билеттер сатыла бастады. Автобус рейстері әзірге тек Самараға ғана барады, кейінірек Ресейдің төрт бағыты бойынша автобустар қосылады.

БҚО жолаушылар көлігі бөлімінің басшысы Айгүл Отарғалиева коронавирустық пандемияға байланысты автобус тасымалы екі жылдық үзілістен кейін автобус паркі халықаралық жолаушылар тасымалын қайта бастайтынын хабарлады.

— Әзірге Самараға алғашқы автобус рейсі 7:30-да, ал соңғысы 17:00-де, тек бес автобус болады. Кейінірек Саратов, Бузулук, Орынбор және Тольяттиге автобус рейстерін қосамыз. Билеттер пандемияға дейінгіден 500 теңгеге қымбат. Екі жыл бұрын бір ересек билет құны төрт мың теңге болатын, енді ол 4 500 теңгені құрайтын болады. Балалар билеті — 2 250 теңге,- деді Айгүл Отарғалиева.

БҚО жолаушылар көлігі және автомобиль жолдары басқармасында басқарма басшысы Айдар МЕНЕЕВ жолаушылар автобустары жұмысқа дайын екенін айтты.

— Қалааралық тасымалдауға арналған автобус паркі дайындалды. Әзірге автобустар тек Самараға барады, бірақ бұл уақытша, кейінірек біз Ресей Федерациясының басқа қалаларына маршруттарды қосамыз, — деді Айдар Менеев.

Мария ДРАЧЕВА