«Кублей» зауытының 2500 жұмысшысы «Циолковский» ТК заңсыз құрылысына қарсы митинг өткізбек

Зауыт ұжымы қала әкімдігіне осы жылдың 22 сәуірінде Орал қаласындағы Мәншүк Мәметова алаңында бейбіт жиын өткізу туралы хабарлама жіберді. Билік бүгінгі күні өтінішке жауап береді.

«Кублей» консерві зауытының ұжымы — жалпы 2500 адам — Орал әкімі Абат Шыныбековтің атына 2022 жылғы 22 сәуірде Мәншүк Мәметова (Батыр қыздар) алаңында бейбіт жиын өткізу туралы хабарлама берді. Бұл туралы зауыт мүддесін қорғайтын заңгер Бақытжан Базарбек мәлімдеді.

Жиналыстың мақсаты » «Кублей» ЖШС зауыты жұмыс ұжымының құқықтары мен мүдделерін, сондай-ақ» Кублей» консерві зауытының құқығын зауыттың санитарлық-қорғау аймағы шегінде Орал қаласының өнеркәсіптік аймағының көп пәтерлі тұрғын үйлерін заңсыз салудан қорғау» болып табылады.

Зауыт ұжымы дыбыс күшейткіш құралдар мен плакаттарды пайдалануға ниетті және қала әкімшілігінен инфрақұрылымды (биодәретхана, электр қуаты, дыбыс күшейткіш техникалық құралдар) қамтамасыз етуді, сондай-ақ полициямен бірлесіп, жиналыс өткізудің қауіпсіздігін қамтамасыз етуді талап етеді.

Орал әкімдігінде мәлімдегендей, бүгін, 19 сәуір күні жұмыс күнінің соңына дейін өтінішке ресми жауап беріледі.

Естеріңізге сала кетейік, «Кублей» зауытының санитарлық-қорғау аймағында салынған «Циолковский» ТК төңірегіндегі жанжал екінші жыл жалғасуда. Билік заңсыз салынған ғимараттарды бұзу туралы сот шешімін орындаудан бас тартуда.

Ақмарал ШАЯХМЕТОВА