БҚО билігі қалалық автопарктерге қосымша 800 млн теңге субсидия бөлуге ниетті
Жыл басынан бері жолаушы тасымалдаушыларға субсидия түрінде 414 млн теңге бөлінді, жаңа транш қоғамдық көлік кәсіпорындарының ағымдағы шығындарын жабуды көздейді.
Бұл туралы Өңірлік коммуникациялар қызметінде өткен брифинг барысында БҚО бойынша жолаушылар көлігі және автомобиль жолдары басқармасы басшысының орынбасары Тимур Шиниязов хабарлады.
– Жыл басында Орал бюджетінен жолаушылар тасымалдаушыларына субсидияларға 414 миллион теңге бөлінді, сәуірде қаланың автобус парктерінің ағымдағы шығындарын жабу үшін қосымша 800 миллион теңге бөлу туралы мәселе қаралатын болады, — деп түсіндірді Шиниязов.
Айта кетейік, 2-22 жылы қалалық автобус парктеріне субсидиялар былтырғыға қарағанда аз — 2021 жылы жергілікті бюджеттен автопарктерге субсидияларға 2,5 млрд теңге бөлінді. Сонымен қатар, билік кәсіпорындарға лизингке 66 жаңа автобус сатып алуға және электронды төлем жүйесін тегін орнатуға көмектесті.
Аудандық автобус маршруттарына келетін болсақ, мұнда да, Тимур Шиниязовтың айтуынша, субсидиялар аздау, бірақ 2022 жылы олар екі еседен астам өсті.
— БҚО аудандарында 42 маршрут жұмыс істейді, олардың 9-ы 2021 жылы пайда болды. 7 тасымалдаушы 11 бағыт бойынша субсидия алады. Мысалы, Сайқын, Орда, Жәнібек сияқты шалғай ауылдарға маршруттарда жол жүру құны 2000-2200 теңгені құрайды. Такси құны-6-7 мың теңге. Біз бұл бағаларды тасымалдаушы кәсіпорындарға субсидиялар төлеу арқылы қолдаймыз, бұл аз қамтылған азаматтарға (зейнеткерлер, студенттер) жол жүру қолжетімділігін арттырады. Өткен жылы ауылдық тасымалдаушыларға бюджеттен 176,1 млн теңге, 2022 жылға 365 млн теңге бөлінді, — деп атап өтті шенеунік.
Естеріңізге сала кетейік, бұған дейін біз Орал жолаушылар тасымалдаушылары мемлекет тарапынан субсидиялардың болмауына және Ресей-Украина қақтығысы аясында валюта бағамының көтерілуіне байланысты жанар-жағармай мен техникаға қосалқы бөлшектердің қымбаттауына байланысты несие төлеудің қиындығына шағымданғанын хабарлаған болатынбыз.
Ақмарал ШАЯХМЕТОВА
