Орал қаласының ТКШ бөлімінің басшысына мемлекеттік сатып алу саласындағы бұзушылықтар үшін 306 мың теңге айыппұл салынды
«Әділдік жолы» РҚБ Орал қаласындағы филиалының қоғамдық белсенділері қалалық ТҮКШ, жолаушылар көлігі және автомобиль жолдары бөлімінің бәсекелестік ортаны елемейтінін және олардың конкурстарына бір ғана әлеуетті өнім беруші қатысатынын анықтады. Бұл фактіні ішкі мемлекеттік аудит департаментінің мамандары қарап, нәтижесінде ТКШ басшысын әкімшілік жауапкершілікке тартты.
Бұл туралы «Әділдік жолы» РҚБ Орал қаласындағы филиалының төрағасы Бауыржан Ахметжан Facebook-тегі парақшасында хабарлады.
«Біздің бірлестіктің филиалы мемлекеттік сатып алу порталына мониторинг жүргізе отырып, 2020 жылы басқа жеткізушілерден баға ұсыныстарын сұратпай және «POSTMAN PR» ЖШС-дан конкурс өткізбей, 9,4 млн теңгеге «аумақты жөндеу/абаттандыру жұмыстары» сатып алынғанын анықтады. Бұл «мемлекеттік сатып алу туралы» заң бойынша, бір көзден мемлекеттік сатып алу, тікелей шарт бойынша айрықша құқық иелерінен зияткерлік меншік объектілері болып табылатын тауарларды, көрсетілетін қызметтерді сатып алу жағдайларында жүзеге асырылады. Осы жағдайда «перголаны дайындау және орнату» лоты бойынша – көлеңке жасау үшін ағаш және металл брустардан жасалған арнайы қалқа бойынша – әлеуетті мердігердің айрықша зияткерлік құқықтары жоқ», — деп түсіндірді Бауыржан Ахметжан.
Орал әкімдігінің ТКШ бөлімі «Unicorns» ЖК-мен сәндік-әрлеу жұмыстарына 5,9 млн.теңге сомасына бір көзден қызметтерді сатып алуға ұқсас шарт жасасты.
«БҚО бойынша ішкі мемлекеттік аудит департаменті Орал әкімдігінің ТКШ, жолаушылар көлігі және автомобиль жолдары бөлімінің басшысы Жандос Дүйсенғалиевке қатысты ҚР ӘҚБтК-нің 207-бабының 11-бөлігі «Мемлекеттік сатып алу туралы заңнаманы бұзу» бойынша хаттама толтырды. Оған 306 мың теңге көлемінде айыппұл салынды. Айыппұл төленді», – делінген «Әділдік жолы» РҚБ хабарламасында.
Айта кету керек, «Әділдік жолы» РҚБ БҚО бойынша сыбайлас жемқорлыққа қарсы қызметіне қаланы көгалдандыруға мемлекеттік сатып алу конкурсын өткізудің заңдылығын тексеруді сұрап хат жолдады. Орал әкімдігінің ТКШ, жолаушылар көлігі және автомобиль жолдары бөлімі жалпы сомасы 1,5 млрд теңге болатын гүлзарларды отырғызуға және ағаш отырғызуға тендер өткізуді көздеп отыр.
Ақмарал ШАЯХМЕТОВА
