Қазақстанда сапасыз жолдар үшін қылмыстық жауапкершілік енгізгісі келеді
ҚР Индустрия және инфрақұрылымдық даму министрі Қайырбек Өскенбаевтың пікірінше, мұндай шара жосықсыз мердігерлерді қайта тәрбиелеуге мүмкіндік береді.
— Біз заңға өзгерістер енгізуді ұсындық, биыл ол қабылданады деп ойлаймын. Оған сәйкес әкімдіктер жергілікті елді мекендер жолдарының сапасын тексеруге міндетті болады, біз қазір республикалық жолдар бойынша жасаймыз. Сондай — ақ, жол құрылысына қатысушылардың жол сапасын бұзғаны үшін әкімшілік және қылмыстық жауапкершілігі қарастырылған, – деп хабарлады Өскенбаев Үкімет кулуарында.
Жолдардың сапасын тексеру үшін әкімдіктер жұмыс істеп тұрған зертханалармен шарттар жасасуы немесе осындай зертханаларды өздері құруы тиіс. Министр айтып өткендей, бұған дейін Қазақстанда арнайы сапа орталығы құрылды, ол өткен жылы жолдар бойынша жүз мыңнан астам скриндер жасады.
Барлық анықталған бұзушылықтарды мердігер ұйымдар жойды. Республикалық маңызы бар жолдар бойынша бұл тетік пысықталған. Орталық өкілдері жол құрылысы барысында тәулік бойы қадағалауды жүзеге асырады,- деді шенеунік.
