Оралда 3 көпқабатты үйдің құрылысы тоқтатылды
Қолдарында қажетті рұқсат құжаттары болмаса да, құрылыс компаниялары оларды тұрғыза бастаған.
Орал қаласы әкімінің орынбасары Асхат Кұлбаевтың айтуынша, қала бойынша рұқсат құжаттарынсыз 2-4 қабатты 3 тұрғын үйдің құрылысы анықталған. Объектілер келесі мекенжайлар бойынша орналасқан: Х.Доспанова көшесі, 6, с/т Вагонник, Дальняя көшесі, 13.
Тиісті шаралар қабылдау үшін қалалық сәулет бөлімі «БҚО бойынша сәулет-құрылыс бақылау басқармасы» ММ-ге (МСҚБ) заңсыз құрылыс салу туралы хабарлама жіберді. Құрылыс тоқтатылды.
Айта кету керек, МСҚБ – да жеке құрылыс салушылар құрылыстың басталғаны туралы хабарлама беруге міндетті-мамандар олардың жобалық-сметалық құжаттарын үйге, жобаға мемлекеттік сараптаманың бар-жоғын тексеруі тиіс. Дәл осы ұйымның – егер құрылысшы қандай да бір бұзушылыққа жол берсе, құрылысты тоқтата тұру немесе тыйым салуға өкілеттігі бар. Орал қаласының сәулет бөлімі жеке көппәтерлі тұрғын үй құрылысының барысын бақылауға құқылы.
– Бір кездері мемлекеттік органдар бизнесті тексерулермен, инспекциялармен үркіткен. Мен өзім көптеген жылдар бойы құрылыс бизнесімен айналыстым және осы қысымды бастан өткердім. Қазір бизнес осы тексерулерден қорғалған. Бірақ тағы бір төтенше жағдай пайда болды – жазасыздық, бұл заңсыздықты тудырады. Орта және шағын бизнесті тексеруге мораторий жарияланғанын пайдалана отырып, құрылыс салушылар тиісті қала құрылысы құжаттамасынсыз үйлер салуды бастайды, өз жобаларын мемлекеттік сараптадан өткізбейді, жобалар бойынша олардың құрылыс көлемдері учаскелердің көлеміне сәйкес келмейді. Бүгінгі таңда бізде барлық қажетті құжаттарды ретке келтіргенге дейін 3 көппәтерлі үйдің құрылысы тоқтатылды. Біз қалада мемлекеттік органдармен келісілген құжаттарсыз тұрғын үй салуға жол бермейміз, – дейді Асхат Құлбаев.
Людмила КАЛАШНИКОВА
