Тоқаев жаңа үш облысты құру туралы жарлыққа қол қойды
ҚР президенті Қасым-Жомарт Тоқаев Абай, Жетісу және Ұлытау облыстарын құру туралы жарлыққа қол қойды.
ҚР президентінің Жарлығымен Шығыс Қазақстан облысы Тарбағатай ауданының әкімшілік орталығы Ақсуат ауылынан Шығыс Қазақстан облысы Тарбағатай ауданы Ақжар ауылына көшірілді.
Сондай-ақ Шығыс Қазақстан облысының құрамында:
- Тарбағатай ауданынан бөлініп, әкімшілік орталығы Ақсуат ауылында Ақсуат ауданы;
- Самар ауданы Көкпекті ауданынан бөлініп, әкімшілік орталығы Самарское ауылында.
Президенттің тағы бір жарлығымен Алматы облысының әкімшілік орталығы Талдықорғаннан Қонаев қаласына көшірілді:
- Шығыс Қазақстан облысынан Ақсуат, Абай, Аягөз, Бесқарағай, Бородулиха, Жарма, Үржар, Көкпекті аудандарын, Семей және Курчатов қалаларын бөліп, әкімшілік орталығы Семей қаласында болатын Абай облысы;
- Алматы облысынан Ақсу, Алакөл, Ескелда, Қаратал, Кербұлақ, Көксу, Панфилов, Сарқан аудандарын, Талдықорған және Текелі қалаларын бөліп, әкімшілік орталығы Талдықорған қаласында орналасқан Жетісу облысы;
- Қарағанды облысынан Жаңаарқа, Ұлытау аудандарын, Жезқазған, Қаражал және Сәтбаев қалаларын бөліп алып, әкімшілік орталығы Жезқазған қаласында орналасқан Ұлытау облысы.
Еске салсақ, 16 наурызда Қазақстан халқына Жолдауында Қасым-Жомарт Тоқаев 1990 жылдары басқа облыстармен біріктірілген үш облысты қайта құруға ұсыныс жасады.
18 наурызда Әділет министрі Қанат Мусин үкімет отырысында Тоқаевтың жолдауына сілтеме жасай отырып, еліміздің негізгі заңына енгізілетін өзгерістер туралы айтты.
24 наурызда Қапшағай қаласы мәслихатының тұрақты комиссиясының отырысы өтіп, онда қала атауын өзгерту туралы бірауыздан шешім қабылданды.
29 наурызда Қазақстанда жаңа облыстарды құру жөніндегі комиссия құрылды.
6 сәурі Шығыс Қазақстан облысында облыстық мәслихаттың депутаттары жаңадан үш ауданның құрылуына бірауыздан дауыс берді, оның екеуі Абай облысының, біреуі Шығыс Қазақстан облысының құрамында болады.
3 мамырда Қапшағай қаласының атауы ресми түрде Қонаев болып өзгертілді.
