БҚО бухгалтер 31 млн теңге жымқырған
Батыс Қазақстан облысының Сырым аудандық білім бөлімінің бухгалтері 31 млн теңге жымқырып, 7 жылға сотталды, деп хабарлайды «Хабар 24» .
Қылмыстық істі тергеу барысында кінә толығымен дәлелденді. Ол мемлекетке келтірілген залалды толығымен өтеп, соттан оны бостандығынан айырмауды сұрағанымен, прокурор оған жеті жылға бостандығынан айыру жазасын тағайындады. Сондай-ақ ол мемлекеттік және квазимемлекеттік ұйымдарда жұмыс істеу құқығынан айырылды. Ол кіші баласы 14 жасқа толған кезде түзеу мекемесінде жазасын өтейді.
«Кушаева Ақкенже ҚК-нің 189-бабы 4-бөлігінің 2-тармағында көзделген, яғни ұрлық белгілерімен қылмыс жасаған. Оған мүлкін тәркілеусіз 7 жыл 6 ай мерзімге бас бостандығынан айыру жазасы тағайындалды. Кәмелетке толмаған екі баланың болуына байланысты жазаны өтеу мерзімі 5 жылға кейінге қалдырылды. Үкім заңды күшіне енген жоқ», – деді облыстық соттың баспасөз хатшысы Нұргүл Қанатбаева.
