Әкім БҚО-дағы коммуналдық монополистерді жекешелендіру туралы: «Мемлекет — олар үшін нашар қожайын»

БҚО әкімі Ғали Есқалиев монополист-коммуналдық компанияларды жеке қолға беру бойынша бұрынғы нәтижесіз тәжірибеге қарамастан, неге сауда-саттыққа қайта шығарылғанын айтып берді.

Әңгіме үш кәсіпорынды-коммуналдық қызметтерді жеткізуші — «БатҚазТЭК» АҚ (электр энергиясы), «Жайықжылуқуат» АҚ (жылу) және «Батыс Су Арнасы» ЖШС (сумен жабдықтау) жеке қолға беру туралы болып отыр.

Тілшілер облыс әкімінен: бұрыңғы тәжірибені ескерсек («Батыс Су Арнасы» мен «БатҚазТЭК» сияқты компанияларды сенімді басқаруға беріп, шығынмен қайтарылғанды — авт. ескерт.) мемлекет бұрынғы қателіктерді қайталамай ма, деп сұрады.

«Мен бұрын осы компаниялармен жасалған келісімшарттарды қарастырдым. Олар мүлдем бос. Оларда айқындық болған жоқ — инвесторлардың міндеттері, олардың жауапкершілігі, инвестициялық бағдарламаларды орындау мерзімдері жазылмаған. Болашақта бізге инвесторлардың компаниялардың дамуына мүдделі болуы, оларға қаражат салуы және бұл ретте қызметкерлердің қысқартуларынсыз және халық үшін тарифтердің көтерілуінсіз барынша егжей-тегжейлі шарттар жасасу қажет болады. Басқа өңірлерде бұл тұрғыда жақсы тәжірибе бар. Шын мәнінде, мемлекет — коммуналдық кәсіпорындар үшін нашар қожайын», — деді Ғали Есқалиев.

Ақмарал ШАЯХМЕТОВА